LYO model workshop

用左膠板搭左兩支專用槍，暫時仍然只係雛形，細節要等消除晒夾口位之後先加上去。內裹係半中空構造，只係前、中、後用膠板層層疊，作為支撐點，就可以保持輕量化。 呢支腦內設定係注重連射性能，但威力一般，用作展開彈幕，牽制對手。 呢支就注重威力和射程，作主力武器用。

今次真係就快整完，因為全部位置形狀都已經定下來，剩低的係表面處理和形狀微調。 背包就用了不規則形狀去做，覺得咁樣整會比較有特色(反正魔改就係要咁)，而入面噴嘴等連接零件都整好，等再整仔細D就裝入去。 後裙甲有重做，變成向兩側擴張和向後抬起，類似剎帝利的外形，而唔係之前六角形。 小腿就整成好似大魔果類的裙形裝甲，但角位比較多和以直線為主。

食玩系列Assault kingdom 第4彈 RGZ-91 靈格斯，賣點係可動性(有人話係平價版Robot魂)，至於玩過之後，比想像中有驚喜。當然，外型唔會話好棱角分明，有少少位都較圓鈍同水口粗糙;不過上色冇出界，活動能力同HG的標準可動性差唔多，以$40蚊黎講真係唔錯。 以下首先係基本三視圖 前 後 側 (背部平衡翼係可動) 附屬配件：二段活動地台、替換手４隻（左右各一握拳及開掌）、光束槍、透明光束劍、盾牌 上身細節（近睇質素一般） 最有驚喜係股關節居然有橫旋轉設計，同現今模型標準睇齊，我最初以為只係會得球型關節。 小腿細節只欠分色而已 同一支唇膏差唔多高 全身關節的活動能力 ＰＯＳＥ　１站立 ＰＯＳＥ　２　（我心目中靈格斯應該擺的姿勢） ＰＯＳＥ　３　迎擊 ＰＯＳＥ　４　格劍 ＰＯＳＥ　５　充分展示可動性的姿勢 之後我會更加留意呢個系列，因為真係有大眾的價錢，ROBOT魂的享受，值得入黎玩下。

又過左幾個月，幾乎叫做重新設計外型。不過，仍然處於未完成階段，只有一個大概的形狀。 名稱後面加上"wiedergeburt"，德文意思係"重生"，代表呢隻已經係重生的高渣古。

距離上次呢隻野出現喺呢度已經超過半年，中間一直都思考緊整體外形同自己所想有幾多落差，所以不斷嘗試不同的方案(亦都幾多冇用的自製零件最後冇用上)。 而最後，就得出下面的定案，呢隻就係我的渣古!! 同之前的差異點都幾多，有: 1. 兩肩去除之前過火的膠板(側面望會過厚)，側面的推進器小型化(之前六角形果個其實會阻礙手臂向上舉，現實中應該唔會咁設計)，同時肩膀裝甲的邊位切出缺口(側面望會比較有層次...吧) 2. 背包重新設計 3. 棄用前臂的手袖 4. 護陰位角度重新整過 5. 上臂加上一件裝飾，去緩和本身高渣古方正的上臂 待續......

新blog既第一篇網誌 三年之前完成既時候冇充分發揮模型既可動能力去拍照 所以 呢三張係以咁既理由之下而拍攝 敵人，斜下方出現 ! 準備擋下敵人光劍之前既一刻 在炮火底下向前突進 應該會繼續...吧